కర్ఫ్యూ / నిజమైన దేశభక్తి

కాలం కన్నెర్ర చేసినప్పుడు

కంటికి కనిపించని శత్రువు

కంటిపై కునుకు లేకుండా చేస్తున్నప్పుడు

కన్నీళ్లను ధారబోయటం కాదు

కవాతు సైన్యమై యుద్ధం  చేయాలి

అవునిప్పుడు

యుద్దమేఘాలు కమ్ముకున్నాయి

కంటికి కనిపించని శత్రువు పై

కనికరం లేని పోరాటనికి సిద్దమవ్వాలి

ఎదురువడితే

ఎదుటోని బలం లాక్కునే వాలిని

చెట్టుసాటునుండి రాముడు చంపినట్లు

కంటికి కనిపించని కరోనను మనం

కనిపించకుండనే ఖతం చెయ్యల్లె

యుద్దంలో ఇప్పుడు కావాల్సింది

అస్త్రవిన్యాసం కాదు

అస్త్రసన్యాసం

అవునిప్పుడు

వీధుల్లో కలిసికట్టుగా తిరగటం కాదు

వీధుల్లో కి రాకుండా

విడివిడిగా ఇంట్లో కూర్చోవటం

నీకు నువ్వే కర్ఫ్యూ విధించుకోవటం

ఏ నిన్ను నువ్వు నియంత్రిన్చుకోలేవా?

నిన్ను నువ్వు కట్టడి చేసుకోలేవా ?

ఆకాశానికి హద్దులెవ్వడు గీసాడు

సముద్రానికి ఒడ్డునేవ్వడు కట్టాడు

నీకు నువ్వు హద్దులు గీసుకోనికి

నిన్ను నువ్వు నిర్బంధించుకోనికి

ముళ్ళ కంచెలు

రాజ్యపు ఆంక్షలు కావాలా?

ఖాకి లాఠీ  కావతు చెయాల?

దేశం గెలిచినప్పుడు

జెండాలు పట్టుకొని ఉరేగటం కాదు

దేశాన్ని గెలిపించటం కోసం

చేతులు కట్టుకొని ఇంట్లో కుసోవటం కూడా దేశభక్తే

మీరు నిజమైన దేశభక్తులే అయితే

ఇప్పుడు మిమ్మల్ని మీరే నిర్బంధించుకోండి

ఇక మీకు మీరె కర్ఫ్యూ విధించుకోండి

మీ నిజమైన దేశభక్తి నిరూపించుకోండి.

                  రచన

                 సతీష్ కుమార్ బోట్ల

              బొట్లవనపర్తి

                 9985960614

                             Botlasjindagi.blogspot.com