అదే ఆత్మ
అడుగుల ప్రవాహమై
దశాబ్దాల దూరం నడిసోచ్చక కూడ
ఆశల అన్వేషణలో
అలుపెరుగని సంఘర్షణలతో
అనునిత్యం పోరాడుతూ
బతుకు పుస్తకం పై
బాధ్యతల సంతకం చేస్తుంది
ఆలోచనలదేముంది
అన్నిదిక్కులకు ప్రాకుతుంది
ఆరాటంది ఏముంది
ఆకాశం అంచులను తాకుతుంది
ఆశలు అనంతం
అన్వేషణ నిమ్మిత్తం
అనుభవాల అడుగుజాడల్లో
ఆనవాళ్ళ వెలుగు నీడల్లో
అలసిన మనసుకి ఆశ చావదు
ఆత్మకి ఆరాటం తీరదు
ఆత్మా పిపాసి
అనుబంధాలను అలుముకుంటది
ఆస్తులు అంతస్తులకై అర్రులుచాస్తాది
బందలతో బందనలు కట్టుకుంటది
బూటకపు కలలు కంటది
ఆశల అగ్గి రగిల్చుకుంటది
అనునిత్యం బాధ్యతల కొలిమిలో కాలుతుంటది
ఆనుభావాల సారన్న౦త అవిరిచేసి
జీవిత సత్యాన్ని మరిచి
మరణమే చివరి మజిలి అని తెలిసిన
ముగింపు లేని గమ్యాన్ని వెతుకుతుంటుంది
సముద్రంలో కలిస్తేనే
నది ప్రయాణం ముగిసినట్లు
సాయంత్రమైతేనే
సూర్యుడి గమనం ఆగినట్లు
మరణం మనిషిని హత్తుకుంటేనే
ఆత్మ తపన ఆగుతుంది
బతుకు తండ్లాట ముగుస్తుంది.
రచన
సతీష్
కుమార్ బోట్ల
9985960614
botlasjindagi.blogspot.in
No comments:
Post a Comment