నడక

నడక ఎప్పుడో ఒక్కప్పుడు

ఆగిపోవలసిందే

అవిశ్రాంతంగా నడిచిన పాదాల ప్రయాణం

ఎక్కడో ఒక్కదగ్గర

నిలిచిపోవలిసిందే

నడిచిన దారుల్లో

                 ఆడుగుల ఆనవాళ్ళు

శాశ్వతంగా నిలువలేవు

పూలబాట కొంత

ముళ్ళబాట కొంత

దారిదేముంది

సాగిపోతూనే ఉంటుంది

నువ్వు నడక నేర్పినవాడే

నువ్వు నడవలేని స్థితిలో

నిన్నొదిలేసి వెళ్ళిపోతుంటే

అలసటతోనైనా

 అనివార్యంగానైన

అడుగుల కదలిక ఆపాల్సిందే

కొంగది ఏముంది

చేరువు ఎండిపోగానే

చేట్టుమిదికి వెళ్ళిపోతుంది

కోకిలది ఏముంది

మాఘమాసం ముగిసిపోగానే

మౌనరాగం అందుకుంటుంది

అవసరం తీరాక

అంత సర్దుకోవాల్సిందే

నాటకం ముగిసాక

నటన ఆపివేయాల్సిందే

తోలకరిది ఏముంది

తరువు తపనలను

తడమకుండానే ఆవిరై పోవచ్చు

మట్టి పరిమళాలది ఏముంది

ముక్కు పుటలను

తాకకుండానే ముగిసిపోవచ్చు

కష్టపడి పెంచిన తోటకు

కసాయివాడు కాపరి కావొచ్చు

ఇష్టపడి నడిచిన దారిలో

ఉహించని మలుపులే ఎదురవ్వొచ్చు

కలలు కన్నా తీరం చేరకముందే

కాలంతో నీ ప్రయాణం ముగిసి పోవచ్చు

ఎంత విరబూసిన

ఎదో ఒక్క వేళ

చెట్టు ఆకుల్ని రాల్చల్సిందే

ఎంత ఎగిసిన

కెరటం ఎదోచోట

తీరాన్ని తాకి ఆగాల్సిందే

గతందేముంది

జ్ఞాపకమై మిగాలల్సిందే

మనిషిదేముంది

మరణాన్ని వెంటేసుకొని తీర్గాల్సిందే

జీవితనికేముంది

ఒక్క మొదలు ,

ఒక్క ముగింపు

రెండింటిని కలిపేదే నడక.

                             రచన 

                     సతీష్ కుమార్ బొట్ల

                                            9985960614

                                               botlasjindagi.blogspot.in